ব্যবহারকারী:Md Abu Shama Alam

শিপা 

      কবি : মহ: আবু শ্বামা আলম
                             
      ৰচনাকাল: 17/09/2014

মোৰ দুচকুৰ প্লাৱন

অৱনমিত হয় ,

তোমাৰ যন্ত্ৰণাক্লিষ্ট মৰমত ;

মোৰ বুকু চিৰা-চিৰ হয় ,

তোমাৰ নিষ্ঠুৰ বিৰহত......

     তুমি-
         নিষ্ঠুৰ প্ৰিয়তমা 
         অসীম তোমাৰ ৰূপৰ গৰিমা 
         মূল্যহীন কৰিলা মোৰ
         বুকুৰ নিৰ্মল ভালপোৱা 
         তুমি নিষ্ঠুৰ অনুপমা ....

  মোৰ হৃদয়ত ....
      তুমিয়েইতো এদিন 
      ৰুইছিলা ভালপোৱাৰ বীজ
      যি অংকুৰিত হৈ 
      বৃক্ষৰ ৰূপ ধৰিছিল ;
      যাৰ শীতল .... স্নিগ্ধ ছায়াত
      জিৰাইছিলা ......
      তুমি নিজেই ......

কি কাৰণত

    কাটি পেলালা
    সেই ভালপোৱাৰ গছ ,
    যাৰ শিপাৰ একাংশ
    মোৰ বুকুত থাকিয়েই গ’ল;
    সি আকৌ গজালি মেলিছে....

অৰ্ধভগ্ন হৃদয় লৈ

এতিয়াও অপেক্ষাৰত মই

তুমি অহালৈ .....